AZ-104: Microsoft Azure Administrator -

AZ-104: Microsoft Azure Administrator

AZ-104 се смета за најважна „основна“ обука за администратори бидејќи докажува дека всушност е можно да го водите бизнисот на облак.

Стекни практични вештини за управување со Azure инфраструктура, мрежи, безбедност и cloud услуги

Опис

Со овaa обука ИТ професионалците изучуваат како да управуваат со Azure претплати, безбедноста на идентитети, да администрираат инфраструктура, да конфигурираат виртуелно вмрежување, да поврзуваат Azure и локални локации, да управуваат со мрежен сообраќај, да имплементираат решенија за складирање, да креираат и скалираат виртуелни машини, да имплементираат веб-апликации и контејнери, да прават резервни копии, споделуваат податоци и да вршат мониторинг на имплементираното решение.

Програма

1. Управување со Azure идентитети

Microsoft Entra ID: Креирање/управување со корисници, групи и поставки на уреди.
Контрола на пристап (RBAC): Доделување улоги во различни опсези, управување со прилагодени улоги и толкување на пристап.
Управување: Конфигурирање на Azure полиси, заклучувања на ресурси, ознаки и претплати.
Управување со трошоци: Користење на буџети и известувања.

2. Имплементирање и управување со складирање

Сметки за складирање: Конфигурирање на мрежен пристап, SAS токени и клучеви.
Управување со податоци: Користење на Azure Storage Explorer/AzCopy, управување со редундантност и репликација.
Услуги за складирање: Конфигурирање на Azure датотеки/синхронизација на датотеки и управување со Blob Storage животниот циклус.

3. Распоредување и управување со Azure Compute ресурси

Автоматизација: Распоредување на ARM/Bicep шаблони и екстензии на виртуелни машини.
Виртуелни машини: Креирање/конфигурирање на виртуелни машини, мрежно поврзување, складирање и енкрипција.
Контејнери: Конфигурирање на Azure Container Instances (ACI), Container Apps и Kubernetes (AKS).
• Услуга за апликации: Конфигурирање планови, скалирање, мрежно поврзување и прилагодени домени.

4. Имплементирање и управување со виртуелно мрежно поврзување

Виртуелни мрежи: Конфигурирање VNET, подмрежи, IP адресирање, рути и DNS.
Безбедност: Имплементирање групи за мрежна безбедност (NSG), Bastion и приватни завршни точки.
Балансирање на оптоварувањето: Конфигурирање Azure Application Gateway и балансери на оптоварување.
Решавање проблеми: Користење Network Watcher за следење на конекциите.

5. Следење и одржување ги Azure ресурси

Мониторинг: Користење Azure Monitor за логови/метрики, KQL барања и известувања.
Резервна копија/Обнова: Управување со услугите за обновување/сводови за резервна копија, полиси за резервна копија и обновување на локација.

FAQ

Целна група на слушатели

Оваа обука е наменет за администратори на Azure. Администраторот на Azure имплементира, управува и следи идентитети како и управува со складирањето, обработката и виртуелните мрежи во cloud средина.

Дали е потребно предзнаење?

За да може да ја посетувате оваа обука потребно е да имате:

Познавање на технологиите за виртуелизација која не е на cloud, вклучувајќи: виртуелни машини, виртуелни мрежи и виртуелни тврди дискови.
Познавање на мрежни конфигурации, вклучувајќи TCP/IP, систем на имиња на домени (DNS), виртуелни приватни мрежи (VPN), заштитни ѕидови и технологии за енкрипција.
Познавање на концептите на Active Directory, вклучувајќи корисници, групи и контрола на пристап базирана на улоги.
Познавање на отпорност и опоравување од катастрофи, вклучувајќи операции со резервни копии и опоравување.

Информации за тренерот

Дамјан Ѓоргиевски е технички тренер во Авенга Академи и инженер за сајбер безбедност во „ Hornetsecurity “, специјализиран за технологии на облак и мрежна одбрана.
Тој е сертифициран етички хакер (CEH) и сертифициран инструктор на EC-Council (CEI) со експертиза во безбедност на Microsoft Azure. Надвор од неговата улога како инструктор, Ѓоргиевски придонесува за ИТ заедницата преку волонтерска обука и лидерство во рамките на огранокот на PMI.