Запознајте го Борче Борисовски, алумни студент од академијата за програмирање кој е дел од тимот на Сивус како Front-end developer и воедно го споделува стекнатото знаење и искуство со новите групи во улога на ментор. Прочитајте го целосното интервју!
Кој беше Борче пред академијата за програмирање во Avenga Academy?
Пред да се запишам на академијата работев во производство и се одлучив на направам промена во кариера, СЕДЦ ми беше најдобра опција и се одлучив таму да студирам.
Што прави Борче денес?
Моментално работам како front-end девелопер во Сивус и истовремено сум тренер на Web-Development академијата во СЕДЦ.
За што те подготви академијата за програмирање?
Академијата ме подготви за голем дел од предизвиците со кои се сретнав откако влегов во ИТ индустријата. Ме научи како функционира работата во тим и како најдобро да се решат проблемите со кои се сooчувам во моето секојдневие како професионалец
Омилен јазик за програмирање и зошто?
Омилен јазик за девелопмент е секако Javascript, бидејќи е најфлексибилен јазик и воедно најкористен во светот. Тоа значи дека бројот на проблеми кои можат да се решаваат во него е огромен.
Tips&tricks што ги научи како студент, а ги користиш како ментор? И што ќе им порачаш на идните студенти?
Една од најдобрите работи што ги научив како студент е да работам на мали поединечни проекти додека трае академијата, затоа што така се гради искуство што е најблиску до тоа што го има во индустријата. Ова денес им го кажувам на сите студенти, затоа што мислам дека е бесценето како искуство во нивните кариери.
Академијата е интензивна и има многу информации, дадете се што можете, на моменти можеби ќе биде премногу, но верувајте му на процесот и секогаш споредувајте го вашето знаење со тоа што сте го имале на почетокот.