Разговараме со Марио Гогов, алумни студент од академијата за компјутерски мрежи и ИТ операции кој по успешното завршување на академијата се вработи во Seavus како IT operations and Support engineer. Прочитајте го целосното интервју и дознајте повеќе за кариерното патување на Марио од музичар до ИТ инженер.
Здраво Марио, раскажи ни нешто повеќе за себе
Здраво, здраво! Јас сум Марио и имам 25 години. Оригинално од Охрид, дојдов во Скопје каде што студирав на факултетот за музичка уметност. Во кратки црти, 2 карактеристики што би се истакнале кај мене се креативноста и љубопитноста за константно учење нови работи.
Од каде се јави желбата за учење на компјутерски мрежи и зошто баш СЕДЦ?
Желбата за учење информатика ја имав уште како дете, а за компјутерски мрежи се појави од кога почнав да истражувам во кое поле во ИТ најмногу би се пронашол.
Со кои предизвици се соочи посетувајќи ја академијата?
За мене академијата беше цел пресврт од каде што доаѓав претходно, односно музичката дејност. Но, сфатив дека најголемиот предизвик веќе сум го поминал претходно, а тоа е пристапот кон самиот материјал, на креативен и динамичен начин.
Омилен модул и зошто?
Мислам дека најмногу имав афинитет за cloud и cloud инфраструктура, односно, како функционира, како е дизајниран и како најдобро може да се искористи cloud’от.
Каде се вработи и на која позиција?
Се вработив во Avenga на позицијата Junior IT Operations and Support Engineer.
Што би им препорачал на заинтересираните студенти
Не е битно од која претходна струка или знаење навлегувате во ИТ светот, се додека имате пасија и се додека ве привлекува тој свет ништо не ве спречува да почнете и да сте зачудени од колку потенцијал би имале.