Д-р Миодраг Цекиќ е основач на Adopt Intelligence и водечки експерт во LearnAI Lab, со повеќе од 14 години искуство како Microsoft MVP и софтверски инженер.
Специјализиран е во развој на cloud-native решенија и примена на LLMs и генеративна ВИ во различни индустрии (медицина, финансии, образование, телекомуникации, маркетинг, право). Како технички лидер и solution architect има водено тимови во создавање скалабилни и интелигентни апликации. Поседува докторат по биоинженерство, со истражување во примена на машинско учење за персонализирана медицина. Активно придонесува кон локалните и глобалните технолошки заедници и е посветен на иновации што ја обликуваат иднината со ВИ.

Драган Илиевски е професионалец во областа на сајбер безбедноста и основач на Pentestiverse. Неговото повеќе од 11 годишно искуство во областа на инженерство, автоматизација и сајбер безбедност, подразбира претворање на комплексни предизвици во безбедни, автоматизирани решенија, секогаш во служба на трансформација на бизнисот.

Како докажан професионалец во open source заедницата, тој е посветен на подигањето свест и јавното говорење за теми поврзани со заштита на приватноста и е несебичен во споделување на своето знаење. Преку ангажманот во LearnAI Lab и Avenga Academy, во моментов е фокусиран на развивање на следната генерација на хибридни таленти во безбедноста, обезбедувајќи практични алатки и стручно водство неопходни за нивен успех.